Saida mak Rezultadu Portal Timor Leste?

Rezultadu Portal Timor Leste mak sistema elektroniku ida opera liu husi internet ne'ebé permiti publikasaun informasaun konabá prioridadi governu nian, meta no rezultadu sira.

Rezultadu Portal Timor Leste fokus iha fornese liu tan transparensia iha governu nia objetivu no rezultadu sira.

Sé deit mak uza Rezultadu Portal Timor Leste?

Rezultadu Portal Timor Leste ne'e prinsipalmente uza husi sidadaun sira, institusaun govermentais, organizasaun non govermentais, impreza no organizasaun internasional sira.

Informasaun saida deit mak publika husi Rezultadu Portal Timor Leste?

Rezultadu Portal Timor Leste aprezenta projetus, Metas, Fazes, objetivus no rezultadu pur periudu. Nia mos liga meta sira ho informasaun orsamentu pur tinan fiskal.

Informasaun fasil atu buka no rezultadu sira inklui charts no opsaun esportasaun sira.

Benefisiu saida deit mak hetan husi Rezultadu Portal Timor Leste?

Rezultadu Portal Timor Leste permiti ajensia sira husi  governu atu defini  meta sira ba gol ida-idak, atu akompaña progresu no halo ajustamentu ba iha metas programadu. Nia mos iha abilidadi atu kontrola gol sira nia dezempeñu atu nune'e bele determina progresu sira ba tinan fiskal espesifiku no periúdu fiskal sira.

Rezultau Portal Timor Leste permiti ba públiku atu hetan informasaun konabá progresu objetivu sira, informasaun deskritiva husi programa no projetu governu nian, no informasaun orsamental. Informasaun ne'e bele konverte ba iha rezultadu mezuráveis  atu nune'e bele konta rekursu finanseiru públiku sira.

Rezultadu Portal Timor Leste permiti atu for resposta ba kestaun sira tuir mai:

• Saida deit mak governu nia prioridadis?
• Programa no projetu sira ne'ebé mak ezisti iha governu nia laran?
• Sé deit mak sai benefisiariu husi projetu ne'e?
• Objetivu saida deit mak programadu ona husi governu nia ajensia sira?
• Governu nia Ajensia sira atinji ona sira nia objetivu ka?